كشف التعارضات بين جميع التخصصات الهندسية
كشف التعارضات بين جميع التخصصات الهندسية في المشروعات تحت تكنولوجيا البناء BIM ما يعرف بـ clash detection in BIM
🔳يعني ايه BIM clash detection
هي عملية بنقد من خلالها نحدد التداخلات والتعارضات بين عناصر ومكونات المبنى المختلفه مثل زي تداخلات العناصر الانشائية مع بعض كمره متداخلة وتشكل تعارض مع عنصر آخر من نفس تخصصها , او تعارض بين انظمة التكييف والتهوية , او تعارضات بين الاقسام المختلفه تعارضات وتداخلات بين عناصر معمارية مع عناصر انشائية ,او انشائية مع MEP وهكذا.
🔳طب ليه التعارضات دي بتظهر او بتحصل ؟
لان اوقات كتير جدا كل قسم وكل تخصص بيعمل على انشاء وتصميم النماذج الخاصة به بشكل مستقل
🔳امتى بنعمل على كشف التعارضات دي ؟
قبل عملية التنفيذ واثناء او قبل عملية التصميم , لان البرامج بتتيح اثناء عملية التصميم مشاركة النماذج والتصميم في المراحل الاولية في التصميم زي ما اتكلمنا على LOD ففي لحظة ما في بداية المشروعات ممكن في LOD 200 يتم مشاركة ملفات كل قسم عشان يبدأ القسم اللي بعديه يشتغل فبالتالي بنقدر من بدري نحدد التداخلات والتعارضات في الخاصة بكل قسم بدري قبل انهاء المشروعات.
🔳ايه هي Types of clashes ؟
🔹 الاول Hard clash
دا فيه حالة ان عنصرين اما ليهم نفس المكان , او تداخلوا تداخلى مباشر , زي تقاطع كمره انشائية Beam مع عنصر من عناصر HVAC duct , ودا اسهل انواع التداخلات اللي بيتم التعرف عليه .
🔹 التاني Soft clash
ودا في حالة عدم ترك مساحة كافية او سماحية او تسيب الحد الادنى بينه وبين عنصر اخر يسمح بحرية او يعوق الحركة اثناء عمليات الصيانه والتشغيل , واحد امثلتها عدم ترك مساحة كافية لوحدة التكييف ليتم صيناتها ودا ممكن يعوق اعمال الصيانه الدورية , او مثلا عدم تركة المساحات الكافية بين خطوط الكهرباء والسباكة ممكن تخلق Soft Clash لانها ممكن تسبب ماس كهربائي او خطر صعق كهربائي لمهندسي الصيانه .
🔹 الثالث Workflow clash
ممكن نقول عليه تعارض رباعي الابعاد , ودا يدل انه عنصر الزمن تدخل في الموضوع , زي ان يحصل وضع قنوات الكهرباء في الوقت اللي بنصب فيه البلاطة ودا هيؤدي ان فيه عطل هيحصل اما لتخصص الكهرباء او للمنفيذين الانشائيين , او اننا بنسلم المعدات الكبيره ونوديها الموقع قبل ما يتم تأهيل الموقع .
🔳برامج كشف التعارضات ؟
🔹برنامج Navisworks
🔹برنامج SOLIBRI
🔹 او نقدر نعمل دا كحل سريع من خلال الـ Revit او اشهر الادوات المساعدة اللي بننزلها للريفيت Bird Tools - Plugin
🔹 اداة bexel manager اللي بنقدر نستخدمها مع الـ Revit او NavisWorks
تعليقات
إرسال تعليق